НҮҮДЭЛЧИН-2025 дэлхийн соёлын фестивальд нийслэлийн 9 дүүрэг, 21 аймгийн нийт 250 гаруй жижиг, дунд үйлдвэр эрхлэгч 5000 гаруй нэр төрлийн бараа бүтээгдэхүүнээр оролцлоо.

Нийслэлийн Жижиг, дунд үйлдвэр, үйлчилгээг дэмжих төв НӨҮГ-ын зүгээс үндэсний үйлдвэрлэгчдийнхээ дунд импортын бараа бүтээгдэхүүнийг давхар борлуулахыг хатуу хориглож, зөрчил гаргасан иргэн, аж ахуйн нэгжүүдэд сануулга өгөв.

Мөн есөн дүүргийнхээ ЖДҮҮДТ-тэй хамтарч, үзэсгэлэн худалдааны зохион байгуулалт, барааны чанар, өнгө үзэмж, бүтээгдэхүүн өрөлтийн стандартыг олон улсын түвшинд хүргэхээр зорилт тавин ажиллалаа. Энэ үйл ажиллагаа дараа дараагийн үзэсгэлэн худалдаанд ч үргэлжлэх болно.

Түүнчлэн, энэ удаагийн “НҮҮДЭЛЧИН” наадмаас эхлэн үзэсгэлэн худалдаанд оролцогч ЖДҮ эрхлэгчдийнхээ санал хүсэлтийг сонсох, сэтгэл ханамжийн судалгаа болон мониторингыг нэгдсэн журмаар авч эхэллээ.

Энэхүү сэтгэл ханамжийн судалгаа, Мониторингыг ЖДҮ эрхлэгчид үнэн, зөвөөр өгснөөр цаашдын үзэсгэлэн худалдааны зохион байгуулалт, алдаа дутагдлыг засахад томоохон ажлын нэг болох юм.

ЖДҮ эрхлэгчдийн сэтгэл ханамжийн судалгааг зөвхөн “Амар байна уу”, “Даншиг”, “Нүүдэлчин” зэрэг томоохон гурван арга хэмжээний явцад оролцогчдоосоо авах болно.